sábado, 8 de novembro de 2014

D-G

Da banda do mar para alá
ten teu pai un pexegueiro,
dá castañas en agosto
uvas brancas en xaneiro. Ms. 3

De Cespón a Taragoña
hai un tiro de escopeta,
embarques, queridiña,
deixa devalar a seca. BS

Dende a praia de Tanxil
vin saltar unha cabala,
mariñeiros de Rianxo
vinde largar a secada. CH

De onde ves María?
—Veño da verdura.
—Ai que ricas coles
ten o noso cura! BS            

Deprendéronme a cantar
as meniñas de Rianxo,
deprendéronme a cantar
indo polo mar abaixo. CPG; BOUZA BREY 1

De Rianxo, miña nai,
de Rianxo para Noia;
de Rianxo, miña nai,
que se fai a festa toda. CPG; BOUZA BREY 1     

De Rianxo para Leiro
aprendín a sangrador,
para sangrar as meniñas
que teñen malo o color. C 1

Desde que non che vin
xa o camiño botou herba,
agora quero saber
se me olvidastes de veras. Ms.2

Sem comentários:

Enviar um comentário