sábado, 8 de novembro de 2014

M-G

María ten boas pernas
que llas vin no corredor,
non hai pernas coma as dela
na filla dun labrador. Ms.1

Marica de Pastoriza
vela aí vai pola ribeira
en manguiñas de camisa
parece unha rianxeira[1]. CPG

—  Mariñeiro da Ría,
que vento queres levar?
—  Pola mañán vento do Norte?
e á tarde, vento do mar. BS

Meniña, ti es o demo
que me andas atentando,
pois no río, pois na fonte,
sempre che encontro lavando. BS

Miña nai, as ovelliñas…,
buscade pastor pra elas,
que estou doída de amores,
non poido andar coas ovellas. BS

Miña nai como é tan pobre
cando non ten que me dar,
éncheme a cara de bicos
e dispois rompe a chorar. CH

Miña nai doume unha tunda
co aro dunha peneira,
teña vergonza mi madre
que chega a xente da feira. CH

Miña nai, miña naiciña,
como miña nai ningunha,
que me quentou a cariña
ca caloriña da súa. Ms.1[2]

Miña nai non me cases
da Barraca para abaixo,
que non quero ser casada
entre os pescos de Rianxo. RV

Miña nai por ser vella
enterrárona no palleiro,
deixáronlle a cabeza fóra
para tocar o pandeiro. Ms.1

Miña sogra quéreme mal
porque lle ando co fillo,
heille de mandar recado
que o garde no bolsillo*. Ms.1

Moito miras para min
moito me chiscas o ollo,
son muchacha* de servir
non podo atender a todo. Ms.1

Moza que estas na ventana*
coas puntas do pano fora,
quixérache ver a cara
que o pano non me namora. CH

Muiñeira ribeiriña
muiñeira ribeirana,
muiñeira ribeiriña
tócoche de mala gana. BS



[1] Segundo Pérez Ballesteros, peça recolhida em Vilaboa, partido judicial de A Corunha.
[2] -Também em CH e BS.

Sem comentários:

Enviar um comentário